الأحد، 4 أغسطس 2013

فضفضة

عارفة حظي فيكي يادنيا ..
مفيش مرة فرحت فيها .. غير ولازم بعدها ازعل
بقيت لما افرح مش بعيش الفرحة قد ما بعيش الخوف من زوالها ..
علشان عارفة انها مش هتكمل ..

خدت ايه من اى حاجة حبتها .. كام مرة قدرت اعمل حاجة بحبها من غير مايكون فى زعل !!

مفيش حاجة حبيتها خدتها .. ولو حاولت لازم يحصل مشاكل مش بتخلص ..

بس كده كتير اوى...

دى اصعب حاجة فى الدنيا ان الاهل يكونوا اول ناس يوقفوا ضد احلامنا وتحقيقها !!!!

الأربعاء، 24 يوليو 2013

ولا دمعة




لما تنام ودموعك على خدك ..

لما تلاقي الدنيا دايما ضدك ..

لما يكون سبب دموعك مش حاسس بيك ..

ويزيد القسوة شوية ولا عارف ايه فيك ..

ولو يعرف هيزيدها كمان ..


يبقا دموعك دى تخبيها ولا دمعة قدامه تباان ..

ولا احساسنا فى يوم نحكيه .. ولا نتحايل نلقــى حنــان ..

الثلاثاء، 23 يوليو 2013

ساعات بشتاق

ساعات بشتاق ..

لكلمة سمعتها منك ..
لغنوة قولتها بصوتك ..

ساعات بشتاق ..

ل سماع دقات قلبك ..
ل رقصة سلو جوة حضنك ..

ساعات بشتاق ..

ل كلامي ليك .. وكلامي معاك .. وكلامك ليا ..
لشوق فى عينيك .. ونظرة لهفة .. وحنية ..
وراحوا فين !! صحيح خلاص مبقوش ليا ..

ساعات بشتاق ..

يرجع تانى بيا العمر ..
ليوم قبل اما اشوفك
لا كنت جرحت
ولا دوقت المر ..

ساعات بشتاق ..

وشوقي بيموتنى بجد ..
مش قادرة ارجعلك من تانى ..
خلاص بيننا بنيت حيط سد ..
-؛-؛-؛-؛-؛-؛

الاثنين، 22 يوليو 2013

حنيــن



حنيــن .. لزمــان 

حنين لأصحاب فرقت بيننا السنين والمسافات ..
حنين لدنيا عشتها ويارتني مافارقتها ..
حنين لماضي انه يرجع ومعملش حاجات كتير ندمت عليها النهاردة ..
حنين لطفولــة كنت فاكرة انى معيشتهاش .. بس طلع مفيش أجمل منها ..
حنين لرسوم متحركـة مهما شوفناها دلوقت مش هنحس بحلاوتها زى زمان ..
حنين لكشكول وقلم .. لـ جلاد اخضر واحمر واصفر :)
حنين لـ لعبة الأولى ويَـا صحابنا ..

حنيــن لذكريــات جميــلة هنحكيها لأولادنا ونخليهم يصنعوا ذكريات أجمل منها ان شاء الله ^_^ 

السبت، 20 يوليو 2013

حنيت



















ولا لحظة فى عمري اتخيلت ..
انى ابعد وانك تقبل ...
خليتنى فجأة استسلمت ..
لدموعى واقرر ارحل ...


وتبعد عنى وابعد عنك ..
قولت اكيد مش هتقدر ...


وفكرة اننا نتفارق .. 
قولت مستحيل تتحمل ...
-؛-؛-؛-؛-؛-
بس اتاريه مش فارق عنده ..
ابعد يوم ابعد شهر .  ولا ابعد خالص عنه ..


عنده اللى يملى مكانى .. من قبل اما يفضى اساسا ..
خليه يحط نفسه مكانى .. ولا يوم هيجرح كيانى ..


ودلوقت بعد اما لقيته مش فارق عنده .. 
لقيت حنيني بيقتلنى ..
لماضي عشته .. ولوقت حبيته .. ولدمعة نزلت بسببه
حنيت لخناقي معاه .. حنيت لكلامنا وضحكنا
حنيت وقلبي اشتاقله ..
بس انا قلبي ده مكتوبله ..
ان الفرحة ما تتحققله ..
لا قادرة استحمل بعده .. ولا قربه قادر يسعدنى ..

وهفضل أحن وأحن .. وقلبي يدوب ويشتاقله ..

الجمعة، 19 يوليو 2013

عادي





لما تحب حد من قلبك ويبيعك ^عادي^..



لما توفي وتخلصله ويسيبك ^عادي^..



تفديه بحياتك لو يطلب



ويجيلك يرسملك حبه



وحياته هتكون ويآك..



و ف ثانية تلقى أحلام
ك ضاعت والدنيا ف عينك خلاها هلاك..


فجأة حياتك كانت وردة ذبلت وإتقلبت أشوآآك..



لما تحب الناس من قلبك ويغدروا بيك .. قول ده عآدي



لما تعز أصحابك أوي وتلاقي معاملة قاسية ليك .. حتى ده 

عادي



مين دلوقتي بيقدر حبك ومشاعرك غير ناس قليلين .. ماهو كله في الدنيا دي بقى اصلا" عاآآدي..،

الخميس، 18 يوليو 2013

يارب






عندي يقين يارب .. بأنك مش ناسيني ..

ومهما مين آذانـي .. برحمتكـ حاميني ..

ولو حتى ايه حصللي .. ولو حتى ايه جرالــي

دايماً معايا فى ضهري .. ودايماً مقــوينـي

ناس بتبعد وتقرب .. وناس بتجرح وتطبطب

وناس مش قادرة تسامح .. وناس ملهاش ملامح

والدنيا ماشية بينا .. بتجيبنا وتودينا

وكلنا بنحاول .. نعمل إللي عليــنا

ورحمتك يارب واسعة .. و دايماً بتنَـجيـ
نا 


ولا بتسيب فى يوم جارح .. وتاخد حقنا وأكتر

وإحنا نغلط وتسامح .. وبكرمك يارب تغفر


13-4-2013

Template by:

Free Blog Templates